Siglir tar il cuntegn
Inhalt

Svizra Rega ha transportà 29 pazients per di

La Rega è l'onn 2017 stada uschè dumandada sco anc mai.

Rega.
Legenda: Il pli savens è la Rega stada en acziun pervia da malsognas. Keystone

La Rega guarda enavos sin in onn da servetschs intensiv: 15'598 giadas è la Rega stada en acziun il 2017. E quai schebain en Svizra sco er en l'exteriur.

En media èn uschia mintga di vegnidas transportadas 29 persunas. Quai è 5,7% dapli che l'onn avant e tant sco anc mai. Grazia a l'infrastructura da la Rega hajan ins dentant pudì dumagnar bain l'augment e porscher spertamain agid.

Servetsch en l'exteriur

La Rega na gida betg mo en Svizra, mabain er a Svizzers en l'exteriur. Uschia ha la Rega cusseglià 2'571 pazients en l'exteriur e repatrià 1'249 pazients.

Meglra aura e dapli servetschs

Ils dumbers da servetschs reflecteschan cunzunt er l'aura. Uschia han ins il favrer ed l'october 2017 gì 25% dapli servetschs pervia da la bell'aura.

Cun 44% è la Rega – sco gia l'onn precedent – vegnida clamada il pli savens pervia da malsognas grevas u acutas, sco culps u problems cun la circulaziun. Accidents da sport d'enviern, da la lavur u da traffic èn stads bler pli main savens la raschun per in servetsch da la Rega.

RR novitads 15:00