Siglir tar il cuntegn

Header

cuntegn

Refusà recurs dal concurrent Stadler po construir 268 trens per las viafiers federalas

Il producent da trens Stadler dastga uss tuttina construir 286 trens d’in plaun per las Viafiers federalas svizras. Il Tribunal administrativ federal ha refusà in recurs dal concurrent franzos Alstom cunter la surdada da l’incumbensa sur passa duas milliardas francs. Il tribunal haja confermà la surdada da l’incumbensa a Stadler da l’october passà, ha annunzià la SBB. Durant la procedura da publicaziun sajan tut las prescripziuns vegnidas resguardadas e tuts offriders sajan vegnids tractads a moda eguala. Pervi da la procedura giudiziala sa retardeschia la furniziun dals trens.

La SBB cumpra ils trens ensemen cun sia societad affiliada Thurbo en la Svizra Orientala e Regionalps en il Vallais. Cun questa cumpra veglian las trais societads engrondir la purschida, sco planisà da la Confederaziun ed ils chantuns.

La SBB veglia metter en funcziun ils emprims trens en il decurs dal 2026. Oriundamain eri planisà da far quai la fin dal 2025.

Er la Viafier retica collavura cun Stadler Rail

video
Ils novs trens «Capricorn» da la Viafier retica
Or da Telesguard dals 18.06.2020.
laschar ir. Durada: 2 minutas 42 Secundas.

RTR novitads 12:00

Artitgels legids il pli savens