Siglir tar il cuntegn
Inhalt

Svizra Refurma da taglia sin interpresas duai vegnir la stad

Il Cussegl federal ha incumbensà il departament federal da finanzas da preschentar anc fin questa stad in nov project da votaziun per la refurma da taglia sin interpresas.

Placats refurma da taglia III - gea e na.
Legenda: Ils 12 da favrer 2017 ha il pievel refusà la refurma da taglia sin interpresas 3. La stad duai uss vegnir preschentada ina nova varianta. Keystone

Uschia duajan pliras pretaisas da chantuns, citads e vischnancas ma er da partidas politicas gia vegnir integradas en quest project nov. Sche la fatschenta va alura en consultaziun lascha il Cussegl federal anc avert, scriva el en ina communicaziun.

La finamira resta d’abolir ils privilegis da taglia per interpresas internaziunalas sco la OSCE pretenda da la Svizra. Quest pass era gia tar la prima prova incontestà. Opposiziun hai dentant dà cunter las charas mesiras accumpagnantas cun qualas ins ha vulì motivar las fatschentas pertutgadas da restar en Svizra.

En la votaziun da dals 12 da favrer 2017 era la refurma da taglia sin interpresas 3 vegnida refusada cleramain cun 59,1% dal pievel.

RR novitads 14:00