Siglir tar il cuntegn
cuntegn

Svizra Refurma da taglia: Directivas per il messadi èn decididas

Il Cussegl federal ha decis las directivas per il messadi davart la «Lescha da taglia 17». Tranter auter è la cumpensaziun da perditas da taglia per ils chantuns vegnida augmentada per 0,7% sin 21,2%.

Purtret da bancnotas novas svizras.
Legenda: Las directivas per la refurma da taglia èn decididas. Keystone

Cun questa adattaziun da la cumpensaziun da perditas saja ademplida la pli impurtanta pretensiun dals chantuns e da las vischnancas, communitgescha il Cussegl federal.

Las autras directivas restan però: Tranter auter la boxa da patenta obligatorica per tut ils chantuns. Quai èn tariffas da taglias pli bassas per entradas or da patents.

I duai ir svelt

Enfin il mars duain il departament federal da finanzas elavurar in messadi correspundent. Quel duai vegnir tractà anc en la sessiun d'atun 2018. Sch'i na dat nagin referendum, pon emprimas mesiras vegnir realisadas l'entschatta dal 2019.

Il Cussegl fedral aveva preschentà il project «Lescha da taglia 17» suenter ch'il pievel aveva ditg na a la «USR III». La nova lescha duai anc custar a la Confederaziun 750 milliuns francs empè da 1,2 milliardas tar la USR III.

RR novitads 16:00