La refurma da l’armada po uss ir en vigur. A la gruppa Giardino n’èsi betg reussì da rimnar las 50'000 suttascripziuns necessarias per pudair inoltrar in referendum.
Il termin per inoltrar las suttascripziuns scada ils 7-7 ed els hajan rimna fin uss 40'000 suttascripziuns. L’engaschament ordaifer la gruppa haja mancà, ha ditg il president da la gruppa Giardino Willi Vollenweider.
La refurma d’armada vegn a reducir il dumber da schuldads sin 100’000. Per la gruppaziun Giardino era quai in memia bass dumber.
