Siglir tar il cuntegn

Header

cuntegn

Referendum lantschà Organisaziuns d'ambient cumbattan per il luf

En Svizra duai la protecziun dal luf ed auters animals vegnir schluccada, quai ha decis il parlament. Organisaziuns per la protecziun da l’ambient han uss cumenzà a rimnar suttascripziuns per in referendum. Ellas crititgeschan che lufs u auters animals protegids possian vegnir sajettads sin reserva.

La nova lescha da chatscha sutmineschia la protecziun da spezias, crititgeschan las associaziuns Pro natura, WWF, BirdLife, Gruppa dal luf Svizra sco er zooschweiz en ina communicaziun. Er la Protecziun svizra dals animals veglia ramassar suttascripziuns. Tenor quellas organisaziuns sutmineschia la nova lescha la protecziun da spezias. Er lufs giuvens possian vegnir sajettads preventivamain. La lescha vertenta porschia in bun equiliber tranter protecziun e chatscha sin animals. Auters crititgeschan che la lescha giaja bler pli lunsch che quai ch’il Cussegl federal aveva proponì.

Las organisaziun d'ambient crititgeschan er ch'ils chantuns survegnian memia bleras cumpetenzas e che mintga chantun pudess lura far tge ch'el veglia.

Regular populaziun

Avrir la box Serrar la box

Il parlament ha schluccà la protecziun dal luf pli fitg che quai ch'il Cussegl federal aveva proponì. Uss duai dentant vegnir lubì da sajettar in luf betg be sch'el ha stgarpà animals da niz, mabain gia sch'igl exista in privel ch'el pudess forsa chaschunar in donn.

Fitg probabel decida il suveran a l'urna

Ils adversaris han uss peda 100 dis per ramassar las suttascripziuns ch'èn necessarias per in referendum. Che quest referendum reussescha e che il pievel svizzer ha lura l'ultim pled a l'urna è tant sco segir, pertge ils Socialdemocrats ed ils Verds avevan gia annunzià en il parlament da sustegnair il referendum.

RR novitads 10:00

Artitgels legids il pli savens