Il Parlament federal ha decis en la sessiun da primavaira che detectivs dad assicuranzas duain survegnir dapli pussaivladads per survegliar ils segirads. Sper material da fotografias e da tun duain ils detectivs era pudair duvrar trackers da GPS, sch'els survegnan in permiss giuridic. Persunas suspectadas duain uschia pudair vegnir survegliadas e maldiever dad assicuranzas vegnir scuvri.
Per ils iniziants dal referendum van quellas mesiras memia lunsch. I saja in disturbi massiv da la sfera privata. Il referendum cunter la lescha è vegni lantschà da persunas privatas. Enfin ils 5 da zercladur han els uss temp da ramassar las 50'000 suttascripziuns.
RR novitads 12:00