Reducziun dal tschains per ipotecas en vista

En Svizra pon locatarias e locataris quintar cun ina reducziun dal tschains a partir dal zercladur. Il tschains da referenza è crudà per 0,25%, communitgescha l'Uffizi federal d'abitaziuns.

A partir dal zercladur pon locataris pretender ina reducziun dals tschains.

Legenda da maletgs: A partir dal zercladur pon locataris pretender ina reducziun dals tschains. Keystone

Dapi il settember 2013 è quai uschia l'emprima giada ch'il tschains da referenza è sa reducì. Questa sbassada munta in stan da record bass da 1,75%.

Ils locataris pon pretender ina reducziun dal tschains da 2,91%. Ils locaturs pon da lur vart far valair custs da mantegniment pli auts.

Giuven model da tschains

L’actual model dal tschains da referenza ipotecar standardisà vala en Svizra dapi ils 10 da settember 2008. Quel aveva remplazzà il tschains relevant per ipotecas variablas dals singuls chantuns.

Sbassament nuninterrut

Il tschains da referenza n’è betg creschì dapi si‘introducziun. L’onn 2008 muntava el 3,5% ed è dapi lura adina sa reducì. Il settember 2013 era el stà airi tar 2%.

Il proxim tschains da referenza vegn publitgà ils 1 da settember 2015.

RR novitads 08:00