Plinavant vul el far patratgs co che la finanziaziun entras la Confederaziun ed ils chantuns possia vegnir armonisada. La regenza cusseglia perquai d'acceptar plirs postulats che pretendan quai.
Spargnar pro las contribuziuns a favur dals budgets chantunals
Entant ch'ils custs da sanadad creschian vinavant mintg'onn sin donn e cust da la cassa da malsauns obligatorica sa retirian numerus chantuns da la responsabladad finanziala vegn argumentà en in dals postulats. Blers chantuns reduceschian lur part tar la reducziun da premias a favur da lur budgets.
Problematic agir dals chantuns – di er il Cussegl federal
Sco ils postulants èsi er per il Cussegl federal problematic, ch’intgins chantuns sa retirian da la finanziaziun per reducir las premias. L’onn 2016 hajan 11 chantuns finanzià damain che la mesadad da las contribuziuns per reducir las premias, 10 chantuns hajan finanzià schizunt be in terz.
RR novitads 15:00
