Cun sulet ina vusch differenza ha il Cussegl dals chantuns decidì da sbassar las premias per persunas da 19 fin 25 onns, el suonda uschia al Cussegl naziunal. Succeder duai quai sur l’uschenumnada egualisaziun dal ristg Ed ils chantuns survegnan l'incarica - da reducir anc pli fitg las premias per uffants da famiglias cun entradas bassas u mesaunas.
Las premias per giuvens creschids pudessan sa sbassar en media per 92 francs il mais. En il medem mument creschan las premias dals creschids per 10 francs il mais.
Il parlament sto uss anc decider definitivamain sur da la revisiun da la lescha da las assicuranzas da malsauns en la votaziun finala.
RR novitads 16:00