Siglir tar il cuntegn
cuntegn

Svizra Recurs da votaziun cunter l'iniziativa dal daner cumplain

Il motiv per in recurs saja infurmaziun fallada davart l'iniziativa dal daner cumplain, uschia il comité d'iniziativa. Il recurs sa drizzia envers il Cussegl federal, ils directurs da finanzas dals chantuns e la banca naziunala.

Ils iniziants da l'iniziativa tar l'inoltraziun da l'iniziativa.
Legenda: Ils iniziants da l'iniziativa tar l'inoltraziun da l'iniziativa. Keystone
  • La populaziun vegnia betg infurmada correctamain - uschia la reproscha.
  • Tant il carnet da votaziun sco era la pagina d'internet da la banca naziunala cuntegnian infurmaziuns manglusas davart l'iniziativa dal daner cumplain.
  • L'iniziativa dal daner cumplain pretenda che mo anc la Banca naziunala svizra dastga far daners.

La Banca naziunala svizra ed il Cussegl federal stoppian infurmar transparent e confurm als fatgs. E quai senza laschar davent u dir be la mesa vardad. Uschia Michael Derrer, che ha inoltrà il recurs. Derrer fa dentant betg part dal comité d'iniziativa - el saja dentant in simpatisant da l'iniziativa. Tenor el haja il Cussegl federal fatg explicaziuns be a mesas en connex cun l’iniziativa dal daner cumplain.

Ueli Maurer ha prendì per enconuschientscha la critica

Cusseglier federal Ueli Maurer è dentant da l’avis, ch’il carnet da votar saja vegnì mess ensemen conscienziusamain. Ils fatgs sajan corrects.

RR novitads 12:00