Siglir tar il cuntegn

Svizra Recrut ha per sbagl dà giu in sajet en ina stanza

Quatter schuldads han stuì vegnir ospitalisads, cun suspect d’in trauma da detunaziun.

Recruts da davosen.
Legenda: A Neunkirch ha in recrut dà giu per sbagl in sajet. Keystone

En la scola da recrut a Neunkirch en il chantun Schaffusa ha in schuldà dà giu per sbagl in sajet en ina stanza. Quatter schuldads han sinaquai stuì vegnir ospitalisads, cun suspect d’in trauma da detunaziun. Quai ha in pledader da l’armada confermà, suenter che 20 minutas aveva rapportà.

L’incident saja capità gia ils 11 da matg, nagin saja sa blessà ed era ils schuldads ospitalisads hajan pudì bandunar l’ospital anc il medem di, ha ditg il pledader dal militar. Il schuldà pertutgà ha pudì terminar la recruta sco usità. La giustia militara ha instradà sco usità, ina inquisiziun preliminara.

RR novitads 11:00