Siglir tar il cuntegn
Inhalt

Svizra Record da passagiers tar la Swiss

Cumpareglià cun il fanadur 2016 ha la societad aviatica transportà 0,7% dapli passagiers. En tut èn uschia 1,66 milliuns persunas sguladas il fanadur cun la Swiss.

in aviun da la Swiss che sgola ensi
Legenda: Cifras da record tar ils passagiers da la Swiss. Keystone

Sco quai che la Swiss communitgescha èn ils eroplans er emplenids bain. En media eran ils sgols occupads per bunamain 89%. Perquai che la Swiss ha modernisà la flotta ed uschia pli gronds aviuns ha ella pudì augmentar il dumber da passagiers ed il medem mument reducir il dumber da sgols per 5,1%.

Tants passagiers sco il fanadur 2017 n'ha la Swiss anc mai transportà. Tar l'entira gruppa Lufthansa nua che la Swiss fa part è il dumber da passagiers s'augmentà il fanadur per 17% sin 13,1 milliuns persunas.

RR novitads 15:00