Svizra - Record da passagiers a l’eroport da Turitg
Las vacanzas da stad procuran per in nov record da passagiers a l'eroport da Turitg. La dumengia dals 19 da fanadur èn passa 96’000 passagiers sa tschentads u partids da Turitg. Fin ussa muntava il record a radund 93’000 persunas.
L'ultim mais saja quel anc vegnì surpassà durant 3 ulteriurs dis, communitgescha l'eroport da Turitg. Tut en tut hajan ins dumbrà il fanadur passa 2,6 milliuns passagiers. Quai è in plus da 5,7% cumpareglià cun il medem temp da l'onn avant.
