Siglir tar il cuntegn

Header

Navigaziun

Silva Semadeni è ina da las dunnas ch'è vegnida elegida da nov en il Cussegl naziunal.
Legenda: Silva Semadeni è ina da las dunnas ch'è vegnida elegida da nov en il Cussegl naziunal. Keystone
cuntegn

Svizra Record da dunnas en Cussegl naziunal

Anc mai èn tantas dunnas vegnidas elegidas en il Cussegl naziunal sco quest onn. Las dunnas fan or ina cumpart da 32% u 64 dunnas.

Quest'analisa da l'agentura da novitads sda è però provisorica, cunquai che tschertas parlamentarias elegidas van en segunds scrutinis per l'elecziun dal Cussegl dals chantuns.

Cun ina quota da dunnas da 32% è il Cussegl naziunal uschè feminin sco anc mai dapi l’introducziun dal dretg da votar da las dunnas l’onn 1971. Tuttina èn las dunnas anc adina sutrepreschentadas.

A la fin da l’ultima legislatura sesevan 62 dunnas en il Cussegl naziunal. Vegnidas elegidas eran oriundamain 58 dunnas l’onn 2011, quai che correspunda ad ina quota da 29%.

Las bleras dunnas tschenta la PS, cun actualmain 25 da 43 Cussegliers naziunals. La PPS ha 11 dunnas tranter sia delegaziun da 65 chaus.

Cussegl naziunal pli vegl

Il Cussegl naziunal è daventà in zic pli vegl suenter las elecziuns. La media da vegliadetgna da tut ils 200 parlamentaris munta da nov a 50,3 onns.

Suenter las elecziuns d'avant 4 onns muntava quella anc a 49,3 onns, quai resulta d'ina analisa da l'agentura da novitads sda.

Creschì ordvart ferm è la cumpart dals parlamentaris sur 60. Da nov han passa 40 gia festivà lur 60avel, avant 4 onns eran quai be 28.