Siglir tar il cuntegn
cuntegn

Svizra Rechsteiner sa retira da SGB

Paul Rechsteiner sa retira sco president da l’Uniun sindicala svizra SGB. Quai ha communitgà l’uniun sindicala.

Purtret da Paul Rechsteiner.
Legenda: Paul Rechsteiner sa retira sco president da l'Uniun sindicala svizra SGB. Keystone

Paul Rechsteiner è stà dapi 20 onns al timun dal SGB. El sa retira per la fin da november. I saja uras per ina midada da generaziun, di Rechsteiner.Il 1998 è el vegnì elegì sco president. Tar sias prestaziuns grondas tutgan mesiras da sustegn per la protecziun da las pajais. Quai en connex cun las cunvegnas bilateralas tranter la Svizra e l’Uniun europeica.

Er la campagna «naginas pajas sut 3'000 francs» hajan manà ad in auzament da pajas en las spartas las pli bassas. Grazia a questas mesiras saja stà pussaivel d’extender ils contracts collectivs da lavur en Svizra.

L'atun 2019 vul Rechsteiner candidar la terza giada per il cussegl dals chantuns, scriva la SGB. Tgi che succeda a Rechsteiner, decidan ils delegads la fin da november.

RR novitads 10:00