Siglir tar il cuntegn
Inhalt

Svizra Recepts dad ier na servan betg tar las sfidas digitalas dad oz

L’organisaziun tetgala d’economia economiesuisse na vul betg in mund digital cun dapli reglas per ils concurrents novs, ma dapli libertads per ils purschiders tradiziunals. Quai ha ella communitgà ad ina conferenza da medias il mardi a Turitg.

In panel central per fibras da vaider.
Legenda: En il mund digital na servian ils recepts dad ier betg pli, di economiesuisse. Keystone

L’economiesuisse admonescha danovamain da vulair reagir cun «recepts da regulaziun dad ier» sin la digitalisaziun. Uschia haja la tema da la digitalisaziun manà en ils ultims mais ad ina seria da pretaisas e mesiras: Pajar chastis per chaschas dad auto-scanning, bloccar casinos online da l’ester, scumandar da trametter mails dad affar suenter las 19:00 o pajar ina taxa sin roboters.

Da vulair restricziuns è plausibel, dentant betg gidaivel

L’uniun tetgala chapeschia bain ch’i possia dar talas reacziuns, han ils responsabels fatg a savair a la conferenza da medias. Quai sajan dentant tut «recepts da regulaziuns dad ier», ha ditg il schef-econom Rudolf Minsch.

Per eliminar talas temas na dovria quai nagin protecziunissem cunter concurrents novs sco Uber u Airbnb, mabain pussaivladads equivalentas per tuts, scriva economiesuisse.

RR novitads 15:00+