Il Cussegl federal ed il Departament federal da defensiun, protecziun da la populaziun e sport (VBS) hajan reagì svelt e cumpetent pertutgond l’attatga da cyber sin la firma d’armament RUAG. A quella conclusiun vegn la cumissiun da gestiun dal Cussegl naziunal en in rapport.
Reagì bain dad ina vart – critica da l'autra
Dentant crititgescha la cumissiun, ch’il VBS n’haja betg adempli sia obligaziun sco possessura da la RUAG. Il departament avess stuì far valair a moda pli rigurusa ils interess da la Confederaziun envers la direcziun da la RUAG.
La cumissiun pretenda perquai tranter auter dal Cussegl federal che quel haja il futur dapli premura cura tar dumondas en connex cun las colliaziuns da datas tranter la Confederaziun ed interpresas affiliadas. En pli stoppian discussiuns e decisiuns impurtantas vegnir protocolladas a moda correcta.
Il schaner avant 2 onns era vegni enconuschent che la RUAG, la firma d’armament da la Confederaziun, era vegnida unfrenda dad in'attatga da cyber.
RR novitads 18:00