Il cusseglier guvernativ Christian Rathgeb daventa president da la conferenza dals directurs chantunals da giustia e polizia en la Svizra orientala, quai communitgescha il Departament da giustia e segirezza grischun.
Rathgeb saja vegnì elegì a chaschun da la radunanza da primavaira. El succeda cunquai al cusseglier guvernativ da la Turgovia Claudius Graf-Schelling. La gestiun surpiglia da nov Daniel Spadin, il secretari dal Departament da giustia, segirezza e sanadad dal Grischun.
