Svizra - Rapport publitgà da l'armada clandestina P26
Il Cussegl federal ha publitgà ina versiun anonimisada dal rapport Cornu davart l'armada clandestina P-26 dal 1991. En quest rapport vai per las relaziuns da l'organisaziun P-26 e sumegliantas organisaziuns en l'exteriur.
Il 1990 è l'armada clandestina vegnida scuverta e schliada. Sper in'inquisiziun parlamentara hai er dà in'inquisiziun administrativa. Il rapport era lura classifitgà sco «secret» e n'è betg vegnì publitgà. Lura hai er dà ina versiun per las medias, questa ha il Cussegl federal uss publitgà. La versiun cumpletta vegn vinavant tegnì serrà, almain anc fin il 2041.