Represchentants politics da las regiuns da las alps han decis da collavurar ils proxims dus onns en ina rait da collavuraziun (MONITRAF). Quai han represchentants da la Svizra, la Frantscha, l’Austria e l’Italia decis ad in inscunter clamà da la direcziun da l'ambient dal chantun Lucerna.
Dumagnar il traffic sin rodaglias n'è betg uschè simpel
Malgrà pliras mesiras regiunalas e naziunalas saja la dischlocaziun dal traffic pesant da la via sin la viafier sulet da minim success, scrivan la nova rait da collavuraziun. En Svizra vegnia la finamira mediara cuntanschida almain tschintg onns memia tard. L'onn 2015 saja il volumen d'in milliun viadis transversonds da camiuns pesants mintg'onn, gia surpassà. Durant quest onn saja pussibel da cuntantscher la finamira.
Autras regiuns da transit hajan dapli traffic ed hajan da purtar las consequenzas negativas per abaitants ed ambient. Las regiuns en las alps hajan ussa sentì ch'i sappian be cun ina tscherta metoda s'avischinar a quest problem. Gia il 2012 è vegnì relaschà il project MONITRAF per ina strategia d'energia communaivla.
RR novitads 20:00