Siglir tar il cuntegn
Inhalt

Svizra Raiffeisen: Otg sezs dal cussegl d'administraziun vegnan libers

Enfin il 2020 duain 8 dals 11 commembers dal cussegl d'administraziun da la Raiffeisen sa retrair.

Logo Raiffeisen.
Legenda: Mo trais persunas paran da restar en il cussegl. Keystone

Per sis dals commembers dal cussegl d'administraziun da la Raiffeisen ha la banca gia decidì il termin per lur demissiun. Lur demissiun va en vigur tar la radunanza da delegads il zercladur. Ils termins per las dus ulteriuras demissiuns duain vegnir sclerids tar la suprastanza da delegads extraordinaria l'atun. Dals 11 commembers actuals duain mo trais tegnair lur post.

Ils motivs per las demissiuns èn differents: Edgar Wohlhauser e Werner Zollinger na san pervia dals status betg vegnir elegids per in'ilteriura perioda d'uffizi e Franco Taisch vul per exempel sa focussar sin ses titel da professur e sen ses engaschament en l'interpresa. Pertutgads èn er Daniel Lüscher, Urs Schneider, Rita Fuhrer, Philippe Moeschinger e Angelo Jelmini.

Accelerar project da renovaziun

Cun las demissiuns da la maioritad dal cussegl d'administraziun vegnia il process da renovaziun accelerà. Sco la banca ha communitgà, veglian ins entschaiver immediat ad evaluar successurs pussaivels.

RR novitads 06:00