Siglir tar il cuntegn
Inhalt

Svizra Raiffeisen ha tramess fauss extracts da conto

114 clients da la Banca Raiffeisen han survegnì extracts da banca dad autras persunas enstagl da las atgnas indicaziuns da banca. La banca ha confermà uschia in rapport dal portal da finanzas «Inside Paradeplatz».

Purtret dal logo da la Raiffeisen spieglà en ina fanestra.
Legenda: La banca Raiffeisen ha ch'è capità in sbagl. 114 persunas èn pertutgadas. Keystone

Il motiv per quest sbagl saja in disturbi tecnic e quel saja capità extern, scriva la banca Raiffeisen. Ils clients pertutgads èn repartids sin l’entira Svizra. La surveglianza da finanzas FINMA saja vegnida infurmada. La banca haja instradà ina denunzia penala, perquai ch’il sbagl cuntrafetschia al secret da banca. Ils pertutgads sajan era vegnids infurmads e la banca stettia en contact cun quellas persunas.

Entant hajan ins chattà il sbagl ed haja curregì quel. Plinavant hajan ins instradà mesiras per evitar che quai capitia anc ina giada. La firma externa che tgira la tecnica haja implementà controllas supplementaras manualas e tecnicas per ch'il sbagl na capitia betg pli.

RR novitads 11:00