Siglir tar il cuntegn

Svizra Raiffeisen cun inquisiziun interna en cas Vincenz

Per elavurar il cas Pierin Vincenz lantscha Raiffeisen Svizra ina inquisiziun interna. Investigader principal daventa professer Bruno Gehrig. Sustegnì vegn el d'in team da la chanzlia d'economia Homburger.

Purtret da Pierin Vincenz.
Legenda: Uss lantscha Raiffeisen Svizra ina inquisiziun interna cunter Pierin Vincenz. Keystone

Questa inquisiziun independenta haja sco finamira d'examinar eventualas irregularitads tar las cumpras da participaziuns da Raiffeisen Svizra u sias societads affiliadas dapi il 2005. La procura publica generala da Turitg eruescha cunter Vincenz pervi dad eventuala gestiun malfidaivla.

Bruno Gehrig – Investigader principal

Professer Bruno Gehrig vegn sustegnì d'in team da la chanzlia d'economia Homburger. Gehrig è sa profilà en mandats d'administraziun sur plirs onn tar differentas firmas svizras. Tranter auter era l'um da 71 onns president dal cussegl d'administraziun da la societad aviatica Swiss e da la Swiss Life, vicepresident dal concern da farma Roche, en il cussegl d'administraziun da la UBS sco era commember da la cumissiun da bancas. Actualmain è el commember da la suprastanza Economiesuisse.

La fin d'october aveva la controlla da finanzas FINMA lantschà ina procedura cunter la Raiffeisen.

RR novitads 08:00