Siglir tar il cuntegn

Svizra Rafael Esquivel funcziunari da la FIFA resta en praschun

Il funcziunari da la Fifa Rafael Esquivel da la Venezuela resta en praschun en Svizra pervi dal privel da fugia.

Rafael Esquivel
Legenda: Rafael Esquivel president da l'associaziun da ballape da Venezuela resta en praschun en Svizra. Keystone

Il Tribunal federal n'è betg entrà en materia en connex cun la dumonda da relaschada dal funcziunari. Tar dumondas da l'assistenza giudiziala internaziunala po il Tribunal federal numnadamain sa fatschentar mo da cas fitg impurtants u fundamentals.

La Svizra aveva arrestà Rafael Esquivel il matg passà ensemen cun ulteriurs funcziunaris da la FIFA. Uss spetga el l'extradiziun a la giustia americana pervi da corrupziun supponida.

RR novitads 14:00