Mardi, ils 15 da november tschenta la SRG/SSR definitivamain enturn da DAB sin DAB+. Il sistem DAB era vegnì sviluppà avant 20 onns e dapi 15 onns è el activ. La tecnologia è dentant sa sviluppada vinavant e dapi l'onn 2006 datti gia la nova tecnologia DAB+. Uschia èsi pussaivel da retschaiver ils programs en ina anc meglra qualitad da tun.
La SRG distribuiva enfin uss parallel
Dapi il 2012 vegnan 9 programs distribuids parallel sin DAB e DAB+. A partir dals 15 da november 2016 vegn questa colliaziun parallela terminada cunquai che be pli paucas chasadas en Svizra han sulet DAB. A partir dal 2020 vul la SRG/SSR alura er remplazzar pass per pass las distribuziuns analogas da UKW cun il sistem da DAB+. La SRG è perquai vidlonder da optimar la purschida da DAB+. Entras la midada da DAB sin DAB+ gudogna la SRG SSR novas resursas per augmentar la purschida da DAB+.
È DAB+ gia enconuschent?
Sa la glieud tge che DAB+ è? La gronda part ha schon udi ina giada quai, ma declerar è pli grev. En mintga chass saja quai insatge tecnic èn ils blers persvas. Tschertas persunas emprovan perfin da declerar DAB+.
RR actualitad mezdi 11:00