Siglir tar il cuntegn

Svizra Quotas per dunnas en il Cussegl federal

Totalmain hai enfin uss dà 117 cussegliers federals en Svizra. 110 da quels èn stads umens e 7 dunnas. Perquai vulan tscherts fixar ina quota minimala da dunnas en la constituziun. La cumissiun dal Cussegl naziunal ha votà encunter.

Legende: Audio Promover dunnas èn il Cussegl federal abspielen.
3:00 min, Actualitad dals 11.01.2018.

Bunamain la mesadad da la populaziun Svizra èn dentant dunnas. Cun in'excepziun èn las dunnas damai adina stadas sutrepreschentadas en il Cussegl federal. Quai constatescha l’organisaziun da tetg per las dunnas Alliance F.

Per il mument èn dus dunnas represchentadas èn il Cussegl federal: Simonetta Sommaruga e Doris Leuthard. Sche Doris Leuthard banduna suenter sia legislatura il Cussegl federal, lura resta probablamain perfin mo ina dunna: Simonetta Sommaruga.

Tenor la Alliance F na giaja quai betg uschè. Perquai vul l'organisaziun fixar ina quota da dunnas minimala en la constituziun. Cun ina acziun sin la plazza federala ha l’organisaziun fatg cler quai.

vul dapli Cusseglieras federalas.
Legenda: Kathrin Bertschy vul dapli Cusseglieras federalas. Keystone
Nus guardain ch'ils chantuns, las minoritads linguisticas e las regiuns sajan represchentadas en il Cussegl federal. Ma tge èsi cun las dunnas?
Autur: Kathrin BertschyCussegliera naziunala PVL e co-presidenta Alliance F

In'iniziativa parlamentara correspundenta è oz vegnida discutada en la cumissiun d’instituziuns politicas dal Cussegl naziunal – senza success. La co-presidenta dad Alliance F e cussegliera naziunala dals verds Maya Graf aveva inoltrà l'iniziativa. Era in’autra iniziativa parlamentara che pretenda quotas è vegnida tractada.

Part da la cumissiun fa era il cusseglier naziunal grischun Heinz Brand dal PPS. El è cleramain cunter l'introducziun d'ina quota minimala per dunnas.

e vehemnet encunter ina quota da dunnas en il Cussegl federal.
Legenda: Heinz Brand e vehemnet encunter ina quota da dunnas en il Cussegl federal. Keystone
I vul dunnas en il Cussegl federal. Però i dat d'ina vart memia paucas che vulan far politica e da l'autra vart politiseschan ellas memia pauc intensiv. Perquai n'èn dunnas sutrepreschentadas en il Cussegl federal.
Autur: Heinz BrandCusseglier naziunal PPS

Il segund grischun en la cumissiun è Duri Campell da la partida burgais-democratica (PBD). Era el na sustegna betg quotas, da menziunar las dunnas per las minoritads linguisticas e las regiuns para ad el dentant ina buna chaussa. El è però persvas che las dunnas vegnian er senza ina fixaziun en la constituziun ad occupar las sutgas dal Cussegl federal en l'avegnir.

na vezza betg in autra pussibelità sco las quotas per promover dunnas en il Cussegl federal.
Legenda: Duri Campell na vezza betg in autra pussibelità sco las quotas per promover dunnas en il Cussegl federal. Keystone
Tenor mai dovri temp. Il temp vegn a regular che dunnas e umens èn represchentads en il Cussegl federal egualmain.
Autur: Duri CampellCusseglier naziunal PBD

Per la co-presidenta dad Alliance F Kathrin Bertschy han las dunnas spetgà ditg avunda. Ed i dettia tantas dunnas che sajan engaschadas e fissan prontas da far part dal Cussegl federal.

Er sche sia proposta n'ha fatg naufragi en la cumissiun d'instituziuns politicas dal Cussegl naziunal, na dat Kathrin Bertschy ed Alliance F betg si. In'iniziativa dal pievel na saja betg exclusa. Quai saja però pir la schliaziun sch'il parlament refuseschia tut las propostas per promover dunnas en il Cussegl federal. Era il Cussegl dals chantuns vegni anc a tractar il tema ed en il parlament vegnia debattà.

RR actualitad 17:00

Directivas actualas

Actualmain en mo directivas en connex cun las regiuns e cun las minoritads linguisticas fixadas en la constituziun.