Siglir tar il cuntegn
Inhalt

Svizra Quiz da la Chadaina da fortuna: Nua èn idas las 1,7 milliardas?

La chadaina da fortuna po festegiar 70 onns. En quels èsi vegnì rimnà en tut 1,7 milliardas francs. Quels van per exempel en favur da projects da reconstrucziun en il Nepal. Tals projects po la victura u il victur d'in quiz da giubileum ir a visitar.

Satg da daners da la Chadaina da Fortuna ed in segn da dumonda.
Legenda: 1,7 milliardas francs ha la Chadaina Fortuna rimnà e repartì sin l'entir mund ils ultims 70 onns. Grafica RTR
  • ina scola da la Caritas
  • chasas ed in project d'agricultura da la Helvetas
  • in center da sanadad e per la protecziun d'uffants da Terre des Hommes
  • in center da scolaziun per miradurs da la Crusch Cotschna e da Swisscontact
  • ed in project da reconstrucziun da Medair

Tut quai èn projects che la Chadaina da Fortuna ha finanzià cun ina part da las 1,7 milliardas francs che l'organisaziun ha rimnà ils ultims 70 onns.

Pervia dal giubileum datti in quiz (guarda chaschettas a la dretga) cun in premi attractiv: In viadi da circa 10 dis en il Nepal nua ch'il victur u la victura ha tranter auter la pussaivladad da visitar ils project d'agid numnads sura.

Betg in viadi da luxus mabain in'experientscha

Quai di Claudia Cathomen, la vusch rumantscha da la Chadaina da Fortuna, che ha sezza gia visità plirs projects. I saja da quintar cun lungs viadis en jeeps en ils quals ch'ins vegnia scurlattà atras. Plinavant stoppian ins tut tenor ir lunsch a pe per cuntanscher ils projects e durmir en tenda u en alloschis fitg simpels.

Il luxus vi da quest viadi è da pudair vesair insatge ch'ins na po betg cudeschar tar in biro da viadi.
Autur: Claudia Cathomenla vusch rumantscha da la Chadaina da Fortuna

RR actualitad 11:00

Il quiz

En in emprim pass èsi da respunder 10 dumondas. Lura datti in finalist u ina finalista or da mintga regiun linguistica. Lezs dastgan lura ir ils 26 da settember – il di da fundaziun da la Chadaina da Fortuna l'onn 1946 – a Berna en il final ed anc respunder a tschintg ulteriuras dumondas. Il victur u la victura dastga far il viadi en il Nepal.