En in'intervista cun la gasetta Zentralschweiz am Sonntag admonescha Brunetti da far squitsch politic sin la BNS. Quella dovria ils proxims onns il sustegn da la politica per far passar era mesiras main popularas.
Ins possia metter en dumonda la politica monetara da la BNS. Ma i fiss privlus sche la politica faschess valair sia influenza sin la banca naziunala, ha ditg Brunetti. Cumplettamain fallà fiss tenor Brunetti d'engrondir e definir en in proceder politic il directori da trais persunas. Er da publitgar ils protocolls da sesida dal directori na vesa n'è tenor el betg bun.
RR novitads 14:00