Siglir tar il cuntegn

Svizra Quint federal serra tenor prima stimaziun cun pli aut gudogn

Tenor la calculaziun approximativa dal quint federal serra quel il 2016 cun in surpli d'entradas da 1,7 milliardas francs. Budgetà era in deficit da 500 milliuns francs. Tenor il Departament federal da finanzas èn plirs facturs extraordinaris responsabels per il meglier resultat.

L'entrada tar l'Administraziun federala da taglia.
Legenda: In dals motivs per il bun resultat spetgà è che bleras interpresas han pajà gia la taglia federala. Keystone

Responsabels per il meglier resultat che budgetà sajan plirs facturs extraordinaris sco per exempel ils tschains negativs. Pervi dals tschains negativs pajan dapli interpresas anticipadamain la taglia federala. Las entradas da la taglia federala èn uschia per 900 milliuns francs sur il budget. Senza quests facturs extraordinaris resultas in deficit da 100 milliuns francs, scrivan ils responsabels dal Departament federal da finanzas.

RR novitads 17:00