Siglir tar il cuntegn

Header

Navigaziun

L'acziun da salvament.
Legenda: En tut eran otg persunas vegnidas en la lavina, quatter han pudì sa deliberar, quatter persunas èn mortas. Keystone
cuntegn

Svizra Quatter umens svizzers moran en lavina en l’Austria

En l'Austria èn quatter umens svizzers tranter 52 e 75 onns morts en ina lavina. Quai communitgeschan las forzas da salvament.

La disgrazia è capitada en il Tirol datiers da la citad dad Innsbruck. En tut eran otg persunas vegnidas en la lavina, quatter han dentant pudì sa deliberar sezzas, conferman las forzas da salvament.

Tenor ils servetschs per avertiment avant lavinas austriac regiva en il Tirol in privel da lavinas moderà. L’emna passada aveva quai dentant dà blera naiv nova en il Tirol e gia pliras lavinas eran vegnidas a val.

RR novitads 18:00