En la Valle Morobbia en il Tessin vivan actualmain quatter lufs giuvens. Quai tenor indicaziuns da las autoritads tessinaisas. Igl è la terza bittada da la femella F8 e dal mastgel M47. Grazia ina trapla fotografica ha il guardiaselvaschina da l’Uffizi da chatscha e pestga dal Tessin vis ils giuvens lufs.
Famiglia F8 / M47
La femella F8 viva pli probabel dapli il 2010 en la Valle Morobbia, ina val datiers da Bellinzona. Dapi l'onn 2015 vegn ella accumpagnada dal mastgel M47. La fin d'avust dal medem onn han ins gia vis trais lufs giuvens. Il 2016 han els gì per la segunda giada trais giuvens.
L’Uffizi da chatscha e pestga dal Tessin surveglieschan ils lufs en la Valle Morobbia per vesair lur moviment migratoric dals animals.