Siglir tar il cuntegn
Inhalt

Svizra Quasi collisiun tranter drona e la Swiss

L’entschatta da matg è ina drona vegnida damanaivel ad in aviun da passagiers da la Swiss en vischinanza da l’eroport da Turitg. Il Post svizzer per examinaziun da segirezza «SUST» intercurescha il cas.

drona
Legenda: Cas dispitaivels cun dronas datti adina dapli. Keystone

En ses rapport preliminar scriva il post ch’i haja bunamain dà ina collisiun. L’incident saja capità radund 20 kilometers en il sidost da l’eroport. Ina airbus da la Swiss saja gist stà vidlonder da s’atterrar.

Perquai ch’i na sa tracta betg da l’emprim tal cas, pretenda il post da segirezza ch’aviuns possian identifitgar dronas sin il radar.