Siglir tar il cuntegn

Header

audio
Bunura: Quant nuschaivla è canera?
Or da Actualitad dals 25.04.2018.
laschar ir. Durada: 2 minutas 20 Secundas.
cuntegn

Svizra Quant nuschaivel è canera?

Canera è nuschaivla per la sanadad, dentant betg be canera dad auta, mabain er canera mulestusa sco il traffic. Oz è il di cunter canera.

Mintga tschintgavla persuna en Svizra è exponida a canera da traffic. La notg èsi mintga sisavla. Il traffic n'è bain betg uschè dad aut, persuenter mulestus. E mulesta da canera è nuschaivla per la sanadad – ella po schizunt chaschunar attatgas dal cor ubain diabetes. Quai perquai che tuns mulestus chaschunas stress – lura dat il cor pli fitg, la pressiun dal sang vegn pli auta ed il flad pli svelt.

Cumbatter a la funtauna

Il BAFU, l'Uffizi federal d'ambient, n'è dentant betg cumplettamain cuntent cun las schliaziuns per evitar canera. Pli prudent fissi da cumbatter la canera directamain a la funtauna, di Mark Brink da l'uffizi. Pia betg cun be far paraids da canera e fanestras isoladas, mabain per exempel cun reducir tempo, duvrar il dretg catram sco er ils dretgs pneus, ubain guardar ch'il traffic fluctueschia bain.

Lavurar cun canera

Tar l'interpresa Montalta èsi fitg dad aut, radund 80 decibels. Quai dovra ina tscherta protecziun da canera, di Sandro Caminada che lavura là dapi 3 onns e mez. La protecziun vegn segirada tras uregliers fatgs sin mesira, ch'èn adattads a l'ureglia. Lura sentian ins bunamain betg la canera, uschia ch'ins possia prest emblidar ella. E la canera possia er gidar: sche questa canera constanta na tunia betg sco usità, sappian ins, ch'insatge na contestia betg.

audio
Mezdi: lavurar en in lieu da lavur fitg dad aut
ord Actualitad dals 25.04.2018.
laschar ir. Durada: 5 minutas 50 Secundas.

Co auda in tschorv?

Silvio Derungs da Dardin ha pers la vesida avant 10 onns. Tant pli impurtanta è l'udida uss per el. Sin ina spassegiada tras ses vitg Dardin mussa el, co el «auda» la via.

audio
Mezdi: Co auda in tschorv?
ord Actualitad dals 25.04.2018.
laschar ir. Durada: 3 minutas 52 Secundas.
audio
Saira: Nua èsi il pli ruassaivel a Cuira?
ord Actualitad dals 25.04.2018.
laschar ir. Durada: 2 minutas 7 Secundas.

RR actualitad 07:00

Artitgels legids il pli savens