Siglir tar il cuntegn

Header

cuntegn

Qualitad da medias Medias dumandadas ma remuneradas mal durant temp da crisa

Durant temps da crisa en general e spezialmain durant la pandemia da Covid-19 mussa la populaziun pli grond interess vid il schurnalissem d'infurmaziun. Quel vegn dentant remunerà mal.

Il pli grond interess porta dentant betg dapli entradas a las medias. Cuntrari, il retgav entras reclama è ì enavos ed er online sa mussia pitschna prontadad da pajar per ils cuntegns. A quella conclusiun vegn il Center da retschertga per publicitad e societad (FÖG) en ses rapport davart la qualitad da medias 2020.

Models da pajament e promoziun da medias

Perquai dovria quai models da pajament. Er la promoziun da medias directa saja indispensabla, uschia il FÖG vinavant. Dapi il 2010 intercurescha il Center da retschertga mintg'onn il svilup da las medias svizras. En ils davos 10 onns n'haja nagin auter eveniment marcà uschè ferm il mund da medias sco la pandemia da corona.

Fidanza en las medias tradiziunalas

Las retschertgas mussian che la populaziun haja en il temp da crisa pli savens il basegn da schurnalissem d'infurmaziun e veglia fatgs ed infurmaziuns segiradas. Qua tras fidian ils umans independent da la vegliadetgna, a medias tradiziunalas. 44% dals dumandada ha ditg da fidar a quellas medias. Be 19% han inditgà da fidar a medias socialas.

RTR novitads 10:30

Artitgels legids il pli savens

Scrollar a sanestra Scrollar a dretga