Siglir tar il cuntegn

Svizra Quai custan noss parlamentaris

Commembers dal cussegl naziunal gudognan sut il stritg 79 francs l'ura per lavur parlamentara. En il cussegl dals chantuns èsi 76 francs. Questas valurs mussa in studi da l'universitad da Genevra.

Il Cussegl dals chantuns durant ina sessiun.
Legenda: Il Cussegl dals chantuns durant ina sessiun. Keystone

Il studi da l’universitad da Genevra dat in'invista en las pajas dals parlamentaris svizzers. I dat differentas cifras pertutgond las pajas. Per exempel è il median da las pajas tar cussegliers naziunals sco era tar cussegliers dals stadis enturn 92’000 francs. Las pajas sco talas varieschan dentant fitg sut e sur il median. I saja fitg different quant che in parlamentaris un ina parlamentaria gudognan en tut. Quai era perquai che mintgin e mintgina hajan auters mandats etc. Sch'ins dumbra dentant ensemen tut ils custs ch'il stadi ha cun ils parlamentaris e las parlamentarias munta la media a var 150’000 francs per parlamentari. Dentant cun questa cifra ston ins far attenziun: qua èn includids tut ils custs per uffants, custs per presidis da cumissiuns etc.

Tenor il studi passenta in parlamentari 500 uras ad onn en sesidas. Per la preparaziun vegnan dumbradas anc ina giada 500 uras. Uschè che in parlamentari u ina parlamentaria spendra 1000 uras per las sesidas.

Ina survista da differents custs

Tge
Quant
pajas ad onnCHF 26'000
paja per di da sessiun
CHF 440
lavur accessorica
CHF 220
indemnisaziun per past durant sessiun per di
CHF 115
pernottaziun durant sessiun per di
CHF 180
custs da viadi ad onn (GA)
CHF 4640

Per ura gudognan ils parlamentaris radund 80 francs

In commember dal parlament gudogna pia circa tuttina bler sco in mainafatschenta d'ina interpresa pitschna en la sparta d'informatica, numnadamain bun 14'400 francs il mais. En l'administraziun federala è quai la paja dal cader mesaun. Ma las entradas varieschan fitg. Quai dependa surtut da quants mandats privats en cussegls administrativs ch'in parlamentari ha ubain da l'altezia da las entradas or da lavur privata.

RR novitads 12:00