Ils rentiers duain gidar da purtrar il ristg d'investiziun da las cassas da pensiun. Quai era l'idea da l'interpresa PWC cura ch'ella ha introducì l'onn 2005 rentas da vegliadetgna flexiblas. Dapi lura paja ella a rentiers novs ina contribuziun da basa fixa ed il rest sco bonus variabel. Tut tenor quant bain che las investiziuns rendan, survegnan ils rentiers dapli u damain daners. Davent da quest onn ha la PWC vulì applitgar quest model er sin las persunas che survegnan gia pli ditg ina renta.
Sulet rentiers novs duain purtar il ristg
Il Tribunal administrativ federal vegn però a la conclusiun che quai na saja betg legal. La lescha da l'AVS laschia tiers ina scursaniziun da las rentas currentas explicit mo lura, sche la cassa da pensiun ha ina sutgaranzia. La decisiun po anc vegnir avant il Tribunal federal.
RR novitads 16:00