Las Viafiers federalas na survegnan l’onn proxim betg dapli daners da la Confederaziun. Uss ston ellas surpigliar ils custs supplementars per l’infrastructura, ha il Departament federal per traffic communitgà ensemen cun las Viafiers federalas.
Il motiv saja ch’i dettia damain daners che spetgà en il fond d’infrastructura da las viafiers. Cunzunt pervi da la situaziun economica e la da scursanida dal budget sin la taxa per camiuns pesants sajan betg avunda finanzas en il fond.
Las Viafiers federalas vegnan tuttina a realisar projects impurtants sin la lingia dal Gottard ed en la regiun da la citad da Berna.
