Siglir tar il cuntegn

Svizra Purs pon giubilar

Il Cussegl dals chantuns decida en favur dals purs. La chombra pitschna ha decis da betg spargnar tar ils pajaments directs. Quai cun ina differenza minimala da duas vuschs. Uschia survegnan ils purs tuttina bler sco fin uss.

purs demonstreschan sin la plazza federala
Legenda: Sco i para ha la demonstraziun dals purs gidà (ils 27.11.2015 sin la plazza federala). Keystone

Las ultimas duas emnas era il Cussegl dals chantuns mintgamai da l’opiniun da spargnar tar ils pajaments directs uss s'adattescha il Cussegl dals chantuns al Cussegl naziunal. Uschia survegn l’agricultura l’onn proxim pajaments directs da 2,8 milliardas francs, quai radund 60 milliuns francs dapli che budgetà.
3 differenzas tranter il Cussegl dals chantuns ed il Cussegl naziunal restan quellas ston vegnir schliadas enfin la fin da quest emna.

RR novitads 18:00