Siglir tar il cuntegn
Inhalt

Svizra Purs na prendan betg part al discurs pro e contra cunvegna

Il cusseglier federal Johann Schneider-Ammann vul accelerar las contractivas per ina cunvegna da commerzi liber cun ils pajais sid americans dal Mercosur.

Cusseglier federal Johann Schneider-Ammann en ina runda da discussiun.
Legenda: Cusseglier federal Johann Schneider-Ammann preschenta pro e contra da la cunvegna. Keystone

Per cuntanscher ina conclusiun stoppian era ils purs far concessiuns, quai tar ils dazis che protegian ils producents indigens da la concurrenza da l'exteriur. Quai di il cusseglier federal Johann Schneider-Ammann.

Pro e contra da la cunvegna

27 represchentants da l'economia, tranter quels era bio suisse e l'organisaziun dals producents da latg, eran suandai il clom da Schneider-Ammann da discutar il pro e contra d'ina cunvegna cun la Brasilia, l'Argentina, il Paraguai e l'Uruguai, ina fiera da var 260 milliuns consuments.

Betg vulì sa participar ha l'Uniun purila svizra. Ella tema sperditas per las famiglias purilas. Cusseglier federal Johann Schneider-Ammann è trumpà che l'Uniun purila svizra ha gnanc vulì discutar ina cunvegna. Malgrà la resistenza davart da l'Uniun purila spera il minister da l'economia da pudair serrar giu las contractivas en il decurs da quest onn.

RR actualitad 17:00