Ils purs svizzers han survegnì marcantamain damain daners per lur latg l'onn passà. En media è il pretsch sa reducì per 10,6% sin stgars 60 raps per kilo. L'onn avant muntava quel anc bunamain 67 raps.
Sco quai che l'Uffizi federal per l'agricultura scriva, è la raschun per la reducziun surtut da chattar en l'augment da la producziun en ed ordaifer la Svizra. Vitiers vegnia la reducziun dal pretsch per la pulvra da latg e per la pischada. Ils producents da latg svizzers han però er da cumbatter cun il ferm franc.