Quai ha cusseglier federal Johann Schneider-Ammann fatg cler als represchentants da la branscha tar in inscunter. Ils producents da latg hajan gia a disposiziun ina rotscha d'instruments per sustegnair l'economia da manaschi. Plinavant stoppian ils acturs negoziar da nov ils contracts da vendia per uschia reparter meglier la ristga.
Agid da la Confederaziun saja be pussaivel tar stretgas da liquiditad da singuls purs, per exempel cun spustar il termin da pajar enavos credits.
RR novitads 20:00