Siglir tar il cuntegn
Inhalt

Svizra Puras svizzras èn per refurma da rentas

L'Uniun da las puras svizras sustegn la refurma da rentas 2020. Da lur conferenza da presidentas è la gronda part sa decidida per dir gea.

Dunna che va cun ina vatga ad alp.
Legenda: Uniun da las puras svizras dian gea a la refurma da rentas 2020 (maletg da simbol). Keystone

En lur communicaziun argumenteschan ellas che la refurma saja in cumpromiss. Er sche la vegliadetgna da pensiun da las dunnas vegn auzada sin 65 onns, portia la refurma sut il stritg blers meglieraments per las dunnas. Damai che bleras dunnas lavurian parzialmain u en branschas cun pajas bassas dovrian ellas exnum l'augment da 70 francs.

Egualitad tranter dunna ed um

Cun l'augment da la vegliadetgna da la dunnas sin 65 onns pajassan las dunnas var 1'220 milliardas vi da la refurma e procurassan cun quai per ina distgargia da l'emprima pitga. Uschia vegnia era ina egualitad tar la vegliadetgna da renta tranter dunna ed um cuntanschida. Dentant pretenda l'uniun lura che era l'egualitad da pajas stoppia vegnir cuntanschida.

RR novitads 18:00