Siglir tar il cuntegn
Inhalt

Svizra Puntraschigna cun quint equilibrà

La vischnanca da Puntraschigna ha serrà il quint 2017 cun in surpli d'entradas da 418 francs.

Hotel
Legenda: La vischnanca da Puntraschigna cun in quint equilibrà il 2017. Keystone

Oriundamain aveva la vischnanca da Puntraschigna budgetà in deficit da 2,9 milliuns francs per l'onn passà. En total ha Puntraschigna gì expensas totalas da 29,8 milliuns francs. Quai ha communitgà la vischnanca. La raschun per il meglier resultat sajan entradas da taglia supplementaras da 2,65 milliuns francs. Ultra da quai sajan las expensas sa reducidas en almain tut ils secturs.

Quint d'investiziun

Il quint d'investiziun ha serrà cun investiziuns nettas da 3,6 milliuns francs. Budgetadas eran investiziuns da 6,98 milliuns francs. En ils secturs da la serenaziun e da rempars da lavinas èn divers projects vegnids spustads.

Il quint 2017 vegn preschentà a la radunanza communala ils 3 da matg.

RR novitads 11:00