Siglir tar il cuntegn
Inhalt

Svizra PS stat davos la refurma da rentas 2020

90,6% dals commembers da la PS èn per sustegnair la refurma da rentas. Quai èn 11'061 vuschs. Sa participads a questa votaziun èn 39% dals commembers. Puncts centrals da la refurma èn che las dunnas ston lavurar enfin 65 e ch'ils novs pensiunads survignan 70 francs dapli il mais.

Purtret da las enveloppas da votar.
Legenda: Cun 11'061 vuschs cunter 1'153 vuschs è la PS sa decidida da cleramain star davos la refurma da rentas. Keystone

Damai che la refurma da rentas è stada dispitaivla er en il lager da la sanestra è la PS sa decidida da laschar votar giu ils commembers en ina consultaziun davart la parola per la refurma. Uschia èsi cler che la PS sustigna cun passa 90% la refurma.

Da discuttar ha sur tut la vegliadetgna da las dunnas dà. Quai è ina petra medischina per ils socialdemocrats. Quai perquai ch'i na dat anc adina nagina egualitad da las pajas tranter umens e dunnas.

RR novitads 16:00