Siglir tar il cuntegn
Inhalt

Svizra PS e Verds annunzian referendum

Represchentants dals Verds e da la partida social democratica vulan cumbatter la nova lescha dal servetsch secret. Entant ch'ils Verds han vuschà en las votaziuns finalas unanimamain cunter la lescha hai dà en la fracziun da la PS in dumber considerabel che ha votà gea.

vista sin in bajetg tras ina saiv
Legenda: Cun la nova lescha survegn il servetsch secret dapli cumpetenzas. Keystone

Il Cussegl naziunal ha approvà la lescha cun 145 cunter 41 vuschs tar 8 abstenziuns. Dals represchentants da la PS han 23 ditg na, 15 gea e 6 èn s'abstenids.

En il Cussegl dals chantuns ha la lescha survegnì 35 gea e 5 na tar 3 abstenziuns.

Cun la nova lescha pudess il servetsch secret da la Confederaziun tadlar giu telefons ed infiltrar computers. Ils adversaris averteschan d'attatgas da spiunascha e la surveglianza totala.

RR novitads 12:00