Siglir tar il cuntegn
Inhalt

Svizra PS consultescha la basa areguard la refurma da rentas

La partida socialdemocratica svizra ha decis a la radunanza da delegads a Castione da far ina votaziun primara davart la prevenziun per la vegliadetgna 2020.

Pliras persunas en ina sala.
Legenda: La radunanza da delegads è stada a Castione en il Tessin. Keystone

Ils radund 31'000 commembers da la partida duain s'exprimer davart la refurma da rentas. Ils cedels da votar vegnan tramess ad els cun la posta. Ils 30 d'avrigl duai il resultat vegnir communitgà.

Tar la votaziun areguard la consultaziun da la basa hai be dà singulas cuntravuschs. Tschertins han crititgà ch'ina tala votaziun saja simplamain ina cumplaschientscha da sasez. In represchentant dals Giuvens socialists (Juso) ha respundì ch'i na sa tractia qua betg d'in'acziun da marketing, mabain da democrazia da basa.

Terza votaziun primara en istorgia da partida

Per la Partida socialdemocratica è quai pir la terza votaziun primara insumma. En futur vul la PS far dapli da questas votaziuns da basa.

Avant aveva il Cusseglier federal Alain Berset defendì la refurma da vegliadetgna 2020. Questa refurma pertutgia il fundament dal pajais, ha ditg Berset.

RR novitads 14:00