Siglir tar il cuntegn

Header

Navigaziun

Uffants vid ina maisa da mangiar
Legenda: Era en las canortas duai la protecziun dals uffants da violenza sa meglierar. Keystone
cuntegn

Svizra Proteger meglier uffants da violenza

Il Cussegl dals chantuns vul procurar ch’uffants èn protegids meglier da maltractaments e d’abus sexuals.

Persunas che han durant lavurar contact cun uffants, duain avair l’obligaziun en il futur d’infurmar las autoritads sch’ellas percorschan segns da violenza. Perquai vul il Cussegl dals chantuns da schlargiar l’obligaziun d’annunzia.

Ozendi ston sulettamain persunas cun incumbensas uffizialas, sco magisters u lavurers socials, far in’annunzia a las autoritads, sch’i dat in suspect ch’il bainstar dal uffant è en privel. En il futur valess questa regla era per emploiadas da canortas, per mammas dal di, per scolasts da musica u per trenaders da sport professiunals.

Questa fatschenta va uss enavos en il Cussegl naziunal. Lez n’era insumma betg entrà en la fatschenta, fa el quai ina ulteriura giada alura è la fatschenta giud maisa.

RR novitads 12:00