La cumissiun per ambient dal Cussegl dals chantuns vul ina taxa sin bigliets da sgol. Dentant er il benzin ed il diesel duain vegnir pli chars.
Il liter benzin duai vegnir fin a 12 raps pli char e per sgular duain ins pajar 30.- fin 120.- francs dapli. Cun quai duai vegnir cumpensà tranter auter il CO2, che vegn chaschunà. Uschè argumentescha la cumissiun dal Cussegl dals chantuns la decisiun. Quella saja persvasa che questas mesiras gidian a reducir las emissiuns.
Cun ils raps, che vegnan gudagnads, duain vegnir sustegnidas mesiras per la protecziun dal clima. Il Cussegl dals chantuns debattescha en la sessiun d’atun davart la revisiun da la lescha da CO2.
RR novitads 18:00