Il parlament po decider sch'el vul ratifitgar la convenziun da datas dal Cussegl da l'Europa. La cunvegna portia meglieraziuns tar la protecziun da la sfera privata sco er per il traffic da datas internaziunal scriva il Cussegl federal. Il traffic da datas cun l'Uniun Europeica vegnia levgià entras la convenziun, tant en il sectur public sco er en il sectur da l'economia privata.
Las reglas per barattar datas tranter ils stadis che fan part da la convenziun vegnissan unifitgadas. Avant che la convenziun po vegnir ratifitgada, sto dentant il parlament adattar la lescha davart la protecziun da datas. Quai fa il cussegl dals chantuns anc durant la sessiun d'enviern ch'ha cumenzà quest'emna.
audio
Per tadlar curt e cumpact
ord Novitads dals 06.12.2019.
Maletg: RTR
laschar ir. Durada: 50 Secundas.
RTR novitads 17:00